ኢትዮጵያ የኮሮና ቫይረስ ሥርጭትን ለመግታት ሁሉም ድንበሮች ለሰዎች ዝውውር ዝግ መደረጋቸውን ጠቅላይ ሚኒስትር ዐቢይ አህመድ (ዶ/ር) አስታወቁ፡፡

የኮሮና ቫይረስ ሥርጭትን ለመቆጠር ሲባል ድንበርሩን መዝጋት አስፈላጊ ሆኖ መገኘቱን የገለጹት ጠቅላይ ሚኒስትር ዐቢይ ሁሉም የየብስ ድንበሮች ካዛሬ ጀምሮ ከመድሃኒትና ከምግብ በስተቀር የሰዎች ዝውውር እንዳይከናወንባቸው መታገዱን በሰጡት መግለጫቸው አስታውቀዋል፡፡

ውሳኔውን እንዲያስፈጽም ለጸጥታ ተቋማት ትእዛዝ መተላለፉንም ተናግረዋል፡፡

የቫይረሱን ወረርሽኝ ለመከላከል መንግሥት አምስት ቢሊየን ብር መበጀቱንም ጠቅላይ ሚኒስትሩ ገልጸዋል።

በአውሮፕላን ከውጭ በሚገቡ መንገደኞች ላይ ለ14 ቀናት ተለይተው እንዲቆዩ የሚያስገድደው ውሳኔም ከዛሬ ጀምሮ በመተግበር ላይ ነው።

ሁሉም መንገደኞች በስካይላይት እና በግዮን ሆቴሎች ለ14 ቀናት በራሳቸው ወጪ ተለይተው ይቆያሉ ተብሏል።

የራሳቸውን ወጪ ለመሸፈን አቅም ለሌላቸው ኢትዮጵያውያንም መንግሥት ሙሉ ወጪያቸውን እንደሚሸፍን የአዲስ አበባ ምክትል ከንቲባ  ታከለ ኡማ (ኢ/ር) አስታውቀዋል።WALTA